- AMBAS ENTIDADES FIRMARON UN ACORDO NO MARCO DO SALÓN INTERNACIONAL DE SEGURIDADE, SICUR
- •A I FEIRA INTERNACIONAL DE SEGURIDADE, DEFENSA E EMERXENCIAS CELEBRARASE NO RECINTO FEIRA INTERNACIONAL DE GALICIA ABANCA DO 17 AO 19 DE NOVEMBRO
A Feira Internacional de Seguridade, Defensa e Emerxencias, SEDEXPO, a cal se celebrará do 17 ao 19 de novembro no recinto Feira Internacional de Galicia ABANCA, segue sumando apoios ao seu proxecto.
Así, a Federación Empresarial Española de Seguridade (FES) acaba de unirse ao Comité Organizador de Sedexpo 2022. O acordo desta incorporación foi asinado no marco do Salón Internacional de Seguridade (SICUR) por parte de Mariano Agüero, presidente de FES, e Ricardo Durán, director da Feira Internacional de Galicia ABANCA.
A Federación Empresarial Española de Seguridade foi creada no ano 1991 para representar e defender ás Empresas de Seguridade, perseguir o intrusismo e a competencia desleal no sector; fomentar o correcto exercicio da actividade de seguridade privada; actuar ante as Administracións Públicas e os estamentos políticos e parlamentarios sobre a lexislación e regulamentación do sector; e fomentar a colaboración entre a Seguridade Privada e os Corpos de Seguridade Pública.
Desde entón FES foi asegurando a súa representación, coa particularidade de que a compoñen en exclusiva empresas de seguridade autorizadas polo Ministerio do Interior. Abarca todas as actividades de seguridade privada, representando a case un centenar de empresas de seguridade privada e a máis de 20.000 traballadores.
A implicación desta Federación na organización de Sedexpo 2022 é de gran importancia para que o certame conforme un gran escaparate da industria española do sector da seguridade, ao que se unirá un completo programa de actividades con xornadas técnicas de primeiro nivel, exhibicións ou talleres formativos.
Sedexpo 2022
A I Feira Internacional de Seguridade, Defensa e Emerxencias reunirá de forma destacada aos principais axentes de cada un destes tres ámbitos sinérxicos e imprescindibles para garantir o benestar e a protección social. Será un foro idóneo para a interacción e o negocio que incidirá na xeración de oportunidades, a achega de solucións aos retos actuais e o desenvolvemento en investigación.
