- ESTA CITA, A PRIMEIRA A NIVEL NACIONAL QUE REUNIRÁ DE FORMA DESTACADA Aos ÁMBITOS DE SEGUIDAD, DEFENSA E EMERXENCIAS, CELEBRARASE DO 17 Ao 19 DE NOVEMBRO NO RECINTO FEIRA INTERNACIONAL DE GALICIA ABANCA
- ADEMAIS DE CREAR UN INTERESANTE ESCAPARATE DA súa INDUSTRIA E ENTIDADES DE REFERENCIA, INCLUIRÁ UN COMPLETO E ATRACTIVO PROGRAMA DE ACTIVIDADES
Silleda, 22 de decembro de 2021.- SEDEXPO 2022, a Feira Internacional de Seguridade, Defensa e Emerxencias, avanza na organización da súa primeira edición, a cal se celebrará do 17 ao 19 de novembro do próximo ano.
Unha proposta á que xa se comezaron a sumar empresas líderes no sector, como Navantia, compañía referente no deseño e a construción de buques militares e buques civís de alta tecnoloxía que conta con clientes e socios de todo o mundo, exportando 10.000 millóns de euros nos últimos 10 anos.
Este respaldo será esencial para seguir sumando e crear un gran escaparate da industria española, a cal mostrará as últimas innovacións e os proxectos máis punteiros. Un marco estratéxico ao que se engadirá un completo programa de actividades con xornadas técnicas de primeiro nivel, exhibicións, simulacros, talleres formativos ou entrega de distincións.
Sedexpo 2022 será así un foro idóneo para a interacción e o negocio que incidirá na xeración de oportunidades, a achega de solucións aos retos actuais e o desenvolvemento en investigación.
Ademais da Feira Internacional de Galicia ABANCA, entidade organizadora, forman parte do comité reitor a Asociación de Directivos de Seguridade Integral (ADSI), a Asociación Nacional de Profesores Acreditados de Seguridade Privada (ANPASP), a Asociación Internacional de Membros de Corpos de Seguridade e Emerxencias (AIMCSE) e D. Luís Martínez Gavilán.
Exposición dinámica
O recinto no que terá lugar SEDEXPO, a Feira Internacional de Galicia ABANCA (Silleda, Pontevedra), é un espazo amplo e versátil cunha valiosa vantaxe para a presentación da industria, poder expor os produtos non só de maneira estática senón tamén dinámica.
Trátase do maior parque de exposicións do noroeste peninsular. As súas instalacións son únicas: 55.000 metros cadrados de exteriores para realizar demostracións, dous pavillóns principais que suman 20.000 metros cadros, heliporto, lago artificial, auditorio e múltiples salas.
